Euphorbia-wapenEuphorbiaLaerskool · Naboomspruit
Japsnoetjies Kleuter Ontwikkelingsentrum-logo

Begin Slim!

JapsnoetjiesKleuter Ontwikkelingsentrum

Japsnoetjies is ons kleuterskool, die plek waar die avontuur begin. Hier leer ons kleinspan deur te speel, te sing, te bou en te ontdek, in 'n warm en veilige omgewing.

Departementshoof:Me Charmaine van Jaarsveld

Wat ons bied

Groot dinge vir klein mensies

Speel en ontdek

Speel is die werk van 'n kind. Ons gebruik dit om nuuskierigheid en selfvertroue te bou.

Skoolgereedheid

Fyn- en grootmotoriese vaardighede, klanke en getalle, sodat hulle gereed is vir Graad 1.

Liefde en sorg

Klein groepies en liefdevolle juffrouens wat elke kleintjie se naam en storie ken.

Kuns en musiek

Verf, plak, sing en dans. Elke dag is daar ruimte vir kreatiwiteit.

Maandag tot Vrydag

06:50 – 12:30

Graad R

06:50 – 13:00

Naskool

13:30 – 17:00

Ons bied aan

Ekstra aktiwiteite

  • Rugby- en netbalskills
  • Ballet
  • Monkeynastix
  • Swem (Gr R)
  • Rekenaarvaardighede en robotika (Gr R)
  • Playball
  • Abakus-wiskunde
  • Onderrig in ruim klasse

Ons volg die Montessori-benadering vir onderrig, met 'n nuwe tema elke week.

Gehalte waarop jy kan staatmaak

Ons streef na uitnemendheid

  • Geregistreer by die Departement van Welsyn en Gesondheid
  • Toegewyde, gekwalifiseerde opvoeders
  • Voltydse assistente in elke klas
  • Klasse en kleedkamers word daagliks deeglik skoongemaak
  • Die Gr R-klas volg die CAPS-kurrikulum
  • Bybelonderrig van die babaklas (vanaf 4) tot Gr R
  • Kwartaallikse assesseringsverslae
  • Naskool tot 17:00

Ons babaklas

Die kleinste Japsnoetjies

In die babaklas word ons kleinste Japsnoetjies met baie liefde en geduld versorg. Hulle ontdek die wêreld deur te speel: rammelaars, blokkies, legkaarte en 'n warm skoot wanneer dit nodig is.

  • Liefdevolle, geduldige versorging
  • Speel wat klein sintuie prikkel
  • Eerste legkaartjies en blokkies
  • Bybelonderrig van kleins af
'n Baba lag breed in haar wipstoeltjie met 'n rammelaar in die hand
Twee babas in die babaklas lê op 'n mat tussen kleurvolle speelgoed
'n Kleintjie in die babaklas pas 'n tier in 'n diere-legkaart
'n Kleintjie in 'n pienk pakkie sit op die mat en bou 'n olifant-legkaart

'n Dag by Japsnoetjies

Speel, leer, lag, herhaal

  1. 1

    06:50

    Welkom en oggendkring

    Ons groet mekaar, bid saam en gesels oor die week se tema.

  2. 2

    Oggend

    Speel en leer

    Montessori-aktiwiteite, klanke, getalle en kuns wat klein handjies en groot verbeelding aan die werk sit.

  3. 3

    Pouse

    Buitespel

    Groot klim-en-klouter-apparate, 'n fietsrybaan, sandputte en 'n groot speelarea.

  4. 4

    12:30 / 13:00

    Huis toe

    Die kleintjies gaan om 12:30 huis toe en Gr R om 13:00.

  5. 5

    13:30 – 17:00

    Naskool

    Vir gesinne met lang werksdae is daar veilige, liefdevolle naskoolversorging tot 17:00.

Twee kleuters lag uitbundig op 'n nat glyplastiek
'n Kleuter balanseer 'n blikkie water op sy kop
'n Sopnat kleuter tydens Waterkaskenades

Japsnoetjies-pret

Elke kwartaal iets om na uit te sien

Soos ons Waterkaskenades, waar almal sopnat en uitgelate huis toe gaan. Hier is van die dae wat ons kleintjies se jaar vol maak:

  • Kwartaallikse uitstappies
  • Atletiek
  • Jaarlikse konsert
  • Gradeplegtigheid (Gr R)
  • Oupa- en Oumadag (Kersdag)
  • Lentedag
  • Kleutermusiek
  • Vrugtefees
  • Waterkaskenades
  • Loslitdag
  • Hartjie-my-liefiedag
  • Blomplantdag
  • Snoepie

Weeklikse temas, soos

Gesondheidsweek · Veiligheidsweek · Legkaart-olimpiade · Vrugtefees · Paasfeesvieringe

Uitstappies en spesiale dae

Herinneringe vir klein mensies

'n Kleuter hou haar hengel met 'n vis in die lug
'n Kleuter wys trots haar vis tydens die Japsnoetjies se visvang-uitstappie

Visvang-uitstappie

Hengels in die hand en geduld in die hart: ons kleintjies se eerste vissies word met groot trots gewys.

Oumas sit saam met kleuters by 'n tafel en kleur Kersprente in
'n Kleuter hou haar Oupadag-kaartjie vas: Oupa, ek het Oupa lief tot by die maan en terug

Oupa- en Oumadag

Oupa en Ouma kom kuier, kleur saam in en kry iets spesiaals om huis toe te neem, soos hierdie kaartjie: “tot by die maan en terug”.

'n Kleuter hou 'n blompot van geverfde handafdrukke vas: Gelukkige Moedersdag

Moedersdag

Klein handjies, groot liefde: elke kleuter maak met verf en handafdrukke 'n blompot vol blomme vir Ma.

Is jou kleintjie gereed?

Ons vertel jou graag meer oor plek, ouderdomsgroepe en hoe om in te skryf.

014 743 3137 082 498 6023

Inskrywings